Sudździa Pieršamajskaha rajonnaha sudu Miensku Alaksandar Karpinčyk aryštavaŭ sustaršyniu "Maładoha frontu" Źmitra Daškieviča na 14 sutak. Supracoŭniki milicyi abvinavacili jaho va ŭdziele ŭ niesankcyjavanym mitynhu i šeści 26 krasavika.
Achova sudu nie puskała žurnalistaŭ i paplečnikaŭ Źmitra ŭ zalu, dzie adbyvałasia pasiedžańnie.
Źmicier Daškievič u sudzie zajaviŭ, što ŭdzielničaŭ u dazvolenaj uładami akcyi i zaklikaŭ udzielnikaŭ prajści da kaplicy.
Paśla abviaščeńnia prysudu Źmicier Daškievič skazaŭ, što heta nia pieršy aryšt u jahonym žyćci, i heta nie zapałochaje jaho, i nijak nie paŭpłyvaje na rašučaść "Maładoha frontu" ŭdzielničać u viasnovych akcyjach apazycyi.
Nahadajem, z analahičnymi abvinavačvańniami ŭčora byli aryštavanyja na 14 i 15 sutak lidery biełaruskaj apazycyi Alaksandar Milinkievič, Vincuk Viačorka, Siarhiej Kalakin...