Prezident Rasii Uładzimir Pucin padpisaŭ ukaz ab tranzitnych pieravozkach hruzaŭ z Ukrainy ŭ Kazachstan, zhodna ź jakim ukrainskija hruzy možna pieravozić praz terytoryju Rasii, kali jany byli adpraŭlenyja ź Biełarusi.
Ukaz apublikavany na Aficyjnym partale pravavoj infarmacyi.
Rašeńnie było pryniata ŭ suviazi z tym, što z 1 studzien 2016 pamiž Rasijaj i Ukrainaj pierastała dziejničać zona svabodnaha handlu.
Zhodna z dakumientam, z terytoryi Biełarusi ŭ Kazachstan možna pravozić ŭkrainskija tavary na aŭtamabilach i z dapamohaj čyhunki. Kantejniery z tavarami pavinny być abstalavany admysłovymi «srodkami identyfikacyi» (płombami). Jany mohuć funkcyjanavać na asnovie spadarožnikavaj sistemy HŁONASS. Takija płomby buduć stavicca na ŭjeździe na terytoryju Rasii.
Kiroŭcy transpartnych srodkaŭ pavinny pry sabie mieć śpiecyjalnyja ŭlikovyja tałony, jakija taksama možna budzie atrymać pry ŭjeździe.
Z 1 studzienia 2016 Ukraina dałučyłasia da zony svabodnaha handlu ź ES. Na dumku rasiejskich uładaŭ, dahavor pamiž Ukrainaj i Jeŭropaj supiarečyć umovam, na jakich stvorana zona svabodnaha handlu pamiž Rasijaj i Ukrainaj. Rasija prypyniła dziejańnie zony svabodnaha handlu z Ukrainaj i ŭviała embarha na impart ukrainskich praduktaŭ.
