Kala Pałaca sportu na Niamizie ŭžo jak miesiac staić maleńki ciahničok, dzie pradajuć smažanyja kaštany. Žurnalisty «NN» schadzili i pasprabavali na smak dziŭny dalikates.
U mieniu jość tolki kaštany ź Italii, a košt zaležyć ad porcyi: 5 kaštanaŭ — 40 tysiač, 10 kaštanaŭ — 60 tysiač.
Pradavačka adrazu papiaredziła, što kaštany jašče nie hatovyja, tamu pryjdziecca pačakać 15 chvilin.
«Biezumoŭna, hetyja kaštany adroźnivajucca ad zvyčajnych. Ni ŭ jakim razie nie sprabujcie smažyć i jeści biełaruskija konskija kaštany. Jany ž atrutnyja», — kaža pradavačka.
Pa jaje słovach, u asnoŭnym pakaštavać italjanski dalikates prychodziać žurnalisty. Sort italjanskich kaštanaŭ — Castánea satíva (kaštan pasiaŭny). Arech hetaha kaštana vielmi pažyŭny. Va ŭschodnich krainach ź jaho robiać muku, sušać, vendziać, hatujuć roznyja stravy.
Usie, chto pakaštavaŭ, nie mohuć pryjści da adzinaha mierkavańnia ab smaku. Chtości kaža, što padobny da zvyčajnych arechaŭ, kamuści nahadvaje bulbu.
Na Niamizie, akramia kaštanaŭ, u susiednich šapikach adnosna tanna možna nabyć hlintviejn i haračyja bliny z roznaj načynkaj.
