Ukraina nie budzie kuplać rasijski haz pa canie, ustanoŭlenaj z 1 studzienia 2016 hoda ŭradam RF. Pra heta zajaviŭ premjer-ministr Ukrainy Arsienij Jacaniuk u prahramie «10 chvilin z premjer-ministram» u niadzielu ŭviečary.
Pavodle jaho słoŭ, Ukraina nazapasiła «dastatkovy abjom» hazu. Usiaho va ŭkrainskich schoviščach znachodzicca kala 13 miljardaŭ kubamietraŭ hazu, zajaviŭ Jacaniuk.
«Va ŭkrainskich hazavych schoviščach ciapier u cełym jość kala 13 młrd kubamietraŭ hazu. Heta na 2,3 młrd bolš, čym było ŭ minułym hodzie», - padkreśliŭ jon.
«My nazapasili dastatkovy abjom hazu», - padkreśliŭ Arsień Jacaniuk.
Premjer adznačyŭ, što Ukraina pierastała kuplać haz u Rasijskaj Fiederacyi.
«1 studzienia jany vystavili rachunak z koštam hazu $ 212 za tysiaču kubamietraŭ. My nie kuplajem haz u Rasii, bo my kuplajem haz u Jeŭrapiejskim Sajuzie tańniej, čym nam prapanavała Rasija. Siaredni košt nabyćcia hazu ŭ Jeŭrapiejskim Sajuzie kala 200 dalaraŭ», - skazaŭ Arsień Jacaniuk.