Čas zatrymki hramadskaha transpartu na niekatorych maršrutach u Minsku składaje ad 10 da 30 chvilin, paviedamiŭ namieśnik hienieralnaha dyrektara dziaržaŭnaha pradpryjemstva «Minsktrans» Viktar Tozik.
«Praca viadziecca ŭ štatnym režymie. Čas zatrymki transpartu na niekatorych maršrutach značna skaraciŭsia. Dla taho kab zusim paźbiehnuć takich situacyj, pradpryjemstva pavialičyć kolkaść transpartu na linijach nie tolki siońnia ŭ druhuju źmienu, ale i zaŭtra z ranicy», — skazaŭ Viktar Tozik.
Taksama na maršruty zamiest «doŭhich» aŭtobusaŭ i tralejbusaŭ vyvodziacca «karotkija», pakolki jany lahčej na ŭzdymach, jakich u Minsku niamała.
Dla bolš efiektyŭnaj raboty pa ŭborcy terytoryi stalicy ad śniehu žycharoŭ prosiać pa mahčymaści admovicca ad pajezdak na asabistych aŭtamabilach, pryparkavaŭšy ich na krytyja parkinhi i arhanizavanyja stajanki. Parkoŭka la kraju prajeznaj častki istotna abciažarvaje i paharšaje jakaść uborki darožnaha pakryćcia.
