Deputaty ŭ Danii abmiarkoŭvajuć zakonaprajekt, jaki praduhledžvaje aryšt hrašovych srodkaŭ i aktyvaŭ pretendentaŭ na atrymańnie statusu biežancaŭ.
Zhodna z zakonaprajektam, ułady Danii zmohuć kanfiskoŭvać najaŭnyja i inšyja kaštoŭnyja pradmiety koštam bolš za 10 tysiač kron (1450 dalaraŭ). Jak udakładniajecca ŭ dakumiencie, zaručalny piarścionak i inšyja pamiatnyja pradmiety adbiracca nie buduć.
Ahienctva AAN pa spravach biežancaŭ ŭžo vystupiła z rezkaj krytykaj zakonaprajekta. Jak pakazvajuć pravaabaroncy, pałažeńni zakonaprajekta iduć nasupierak z pałažeńniami mižnarodnaha zakanadaŭstva ab biežancach.
Premjer-ministr Danii Łars Lokie Rasmusen nazvaŭ zakonaprajekt «samym niezrazumietym za ŭsiu historyju Danii». Jak čakajecca, hałasavańnie pa zakonaprajekcie projdzie ŭ studzieni.
Jašče adno pałažeńnie zakonaprajekta, jakoje vyklikała rezkuju krytyku z boku pravaabaroncaŭ, tyčycca terminaŭ uźjadnańnia biežancaŭ ź siamjoj: u dakumiencie prapanujecca pavialičyć hety termin da troch hadoŭ, tady jak, zhodna ź dziejučym praviłam, uciekačy mohuć uźjadnacca ź siamjoj užo praz hod paśla atrymańnia prytułku ŭ Danii.
Taksama zakonaprajekt praduhledžvaje skaračeńnie terminaŭ dziejańnia dazvołu na časovaje pražyvańnie ŭ krainie i robić bolš žorstkimi patrabavańni dla atrymańnia dazvołu na stałaje pražyvańnie.
