U vieraśni-kastryčniku 2014 jon rabavaŭ abjekty handlu. Pry hetym chłopiec vykarystoŭvaŭ ahniastrelnuju zbroju.
Jon raniej nie byŭ sudzimy. Mieŭ dźvie jurydyčnyja adukacyi — siaredniuju śpiecyjalnuju i vyšejšuju. Na momant zatrymańnia nidzie nie pracavaŭ.
Na praciahu dvuch miesiacaŭ jon abrabavaŭ piać kramaŭ u Smalavickim rajonie i Oršy. Pryčym adzin z handlovych abjektaŭ jon «braŭ» dvojčy. Ahulnaja suma, «zaroblenaja» razbojem - kala 20 miljonaŭ rubloŭ.
Zatrymali złačyncu 30 kastryčnika 2014 hoda ŭ Oršy. Pradaŭcy adnoj z kramaŭ paviedamili pravaachoŭnikam, što ŭ handlovy abjekt zajšoŭ mužčyna. Jon zajaviŭ, što heta rabavańnie i zapatrabavaŭ hrošy. Rabotniki kramy nie pavieryli jaho pahrozam, adnak, mužčyna dastaŭ pistalet i streliŭ try razy - dvojčy ŭ pavietra, a adzin raz u nahu pradaŭca.
Zatrymali pravaparušalnika na čyhunačnym prypynku, litaralna za paru chvilin da prybyćcia ciahnika.. U jaho znajšli dva pistalety i vybuchovaje prystasavańnie. Pryčym na chłopcy była apranuta braniakamizelka, a pry zatrymańni jon piać razoŭ streliŭ u milicyjantaŭ.
Stralaŭ prycelna — u vobłaść žyćciova važnych orhanaŭ, paviedamlaje pres-słužba abłasnoha suda. Ale milicyjanty atrymali tolki lohkija cialesnyja paškodžańni.
Małady čałaviek niezakonna kupiŭ ahniastrelnuju zbroju, bojeprypasy, zachoŭvaŭ ich. Vybuchovaje prystasavańnie jon zrabiŭ sam. Taksama jon ŭdaskanaliŭ raniej pierarobleny ŭ hładkastvolnuju ahniastrelnuju zbroju sihnalny revalvier i nasiŭ jaho pry sabie.
Na sudzie chłopiec tłumačyŭ, što, pa-pieršaje, jon chacieŭ takim čynam dapamahčy chvoraj maci, a pa-druhoje - źbiraŭsia vydatkavać hrošy na «akcyju miłasernaści».
Sud prysudziŭ jaho da 25 hadoŭ źniavoleńnia z kanfiskacyjaj majomaści. Pieršyja piać hadoŭ złačynca praviadzie ŭ turmie, reštu - u kałonii ŭzmocnienaha režymu.
Prysud pakul nie ŭstupiŭ u siłu.
