U Francyi ŭkazam prezidenta krainy Fransua Alanda ŭviedzienaje nadzvyčajnaje ekanamičnaje stanovišča, paviedamlaje ahienctva AR.
Aland rastłumačyŭ, što maje namier u hety čas pierahledzieć ekanamičnuju i sacyjalnuju madel dziaržavy. Miery nakiravany na vychad ekanomiki sa stanu stahnacyi i skaračeńnie «chraničnaha biespracoŭja».
U bližejšy čas francuzskamu ŭradu i biznes-supolnaści treba budzie realizavać šerah prapanoŭ, jakija, u kančatkovym vyniku, pavinny pryvieści ekanomiku krainy da ŭstojlivaha rostu i vykaranić biespracoŭje.
Pra kankretny źmiest «ekstrannych reform» prezidenta Francyi pakul nie paviedamlajecca. Viadoma tolki, što pieršyja zachady, prapanavanyja im, adnosna ścipłyja, jany nie buduć vynosić na abmierkavańnie 35-hadzinny rabočy tydzień.
