Biełaruskaja čyhunka z metaj raźvićcia servisu prapanuje pasažyram paŭdzielničać u ankietavańni, paviedamili ŭ pres-centry BČ.
«My vyvučajem mahčymaść nie tolki pašyreńnia pasłuh, jakija mohuć być pradastaŭlenyja na vakzałach biełaruskaj mahistrali», — adznačyli śpiecyjalisty. Taksama ŭ BČ raźličvajuć, naprykład, daviedacca pra mierkavańnie pasažyraŭ ab tym, jakija abjekty hramadskaha charčavańnia, raźmieščanyja na vakzale, najbolš zapatrabavanyja imi, jaki sposab atrymańnia infarmacyi samy zručny, jakija sa spadarožnych pasłuh, prapanavanych u ankiecie, najbolš značnyja.
«Praviadzieńnie ankietavańnia dapamoža nie tolki ŭ arhanizacyi pracy pa ŭdaskanaleńni pasažyrskaha kompleksu biełaruskaj mahistrali, ale taksama stvoryć sučasny vobraz vakzała, pasłužyć dobrym pačatkam pry praviadzieńni rabot pa madernizacyi adnaho z vakzalnych kompleksaŭ BČ», — upeŭnienyja ŭ pres-centry.
Pytańni ankiety raźmieščanyja na hałoŭnaj staroncy sajta Biełaruskaj čyhunki.