«U bazavaj školnaj prahramie nieabchodna skaracić jak minimum 20-30% infarmacyi i pierahledzieć padychody da vykładańnia materyjału, bo sučasnaja školnaja prahrama značna składaniejšaja, čym jana była ŭ 70-80-ja hady minułaha stahodździa», — skazaŭ Michaił Žuraŭkoŭ.
Uskładnieńnie prahramy pačałosia ŭ 1990-ch hadach i praciahvajecca da hetaha času.
Pa słovach ministra, u školnaj prahramie treba pakinuć tolki samuju važnuju i nieabchodnuju bazavuju infarmacyju.
Dla hetaha patrabujecca vialikaja i karpatlivaja rabota śpiecyjalistaŭ, pryčym nie tolki ź sistemy adukacyi. Stvareńnie bazavaj prahramy treba pravodzić paetapna: spačatku rašuča adkinuć vidavočna druharadny abo niemahčymy dla vyvučeńnia ŭ siaredniaj škole materyjał (dla dakładnych navuk adzin z hałoŭnych aryjenciraŭ i siońnia — prahrama savieckaj škoły druhoj pałovy XX st.), a zatym zaniacca adboram infarmacyi, nieabchodnaj dla vyvučeńnia ŭ škole. Pry hetym treba vyśvietlić, što vyvučajecca školnikami inšych krain, asabliva tych, dzie ŭzrovień siaredniaj adukacyi vielmi vysoki.
Ministerstva pravodzić intensiŭnuju navukovuju i arhanizacyjnuju pracu pa padrychtoŭcy vučebna-mietadyčnych kompleksaŭ novaha pakaleńnia.
Ich sistemaŭtvaralnym jadrom stanie bazavy padručnik.
Jon budzie źmiaščać sistematyzavanaje vykładańnie vučebnaha pradmieta ŭ minimalna nieabchodnym abjomie, jaki vyznačajecca adukacyjnym standartam i navučalnaj prahramaj. U jakaści prykładańniaŭ budzie pradstaŭleny raznastajny dadatkovy materyjał, jakim možna karystacca na zaniatkach i ŭ pracesie samastojnaj pracy.
Važnym krokam u pavyšeńni jakaści padrychtoŭki, pa słovach ministra, źjaŭlajecca raspracoŭka padychodaŭ, jakija dazvalajuć stvarać u škołach profilnyja kłasy. U jakaści adnaho z napramkaŭ prafilizacyi praduhledžvajecca prafiesijnaja padrychtoŭka navučencaŭ z vykarystańniem vučebnaj bazy ŭstanoŭ prafiesijna-techničnaj i siaredniaj śpiecyjalnaj adukacyi. «Heta značyć navučańnie va ŭstanovach prafiesijna-techničnaj adukacyi varta razhladać jak elemient profilnaj adukacyi. Adnačasova, viadoma, nieabchodna ŭvodzić daprofilnuju padrychtoŭku vučniaŭ 8-9-ch kłasaŭ, a taksama zabiaśpiečyć umovy adnosnaj zavieršanaści bazavaj adukacyi», — ličyć Michaił Žuraŭkoŭ.