Z pačatku zimy ŭ Biełarusi ad marazoŭ zahinuli 29 čałaviek, u tym liku dzicia, paviedamiŭ na pres-kanfierencyi 19 studzienia ŭ Minsku ministr pa nadzvyčajnych situacyjach Uładzimir Vaščanka.
«Ratavalniki i miedyki ŭvieś čas papiaredžvajuć ludziej nakont pavodzinaŭ pry mocnych marazach. Na žal, hetaja zima vielmi zasmuciła — kolkaść vypadkaŭ pieraachaładžeńnia pavialičyłasia amal u piać razoŭ. Bolš za 500 čałaviek trapili ŭ balnicy. Jość i śmiarotnyja vyniki — 29 čałaviek, ź ich adno dzicia», — skazaŭ kiraŭnik MNS.
Pavodle jaho słoŭ, bolš za ŭsio zahinuła ludziej u Minskaj vobłaści — 14, a taksama ŭ Mahiloŭskaj — 10. «Jość vypadki i ŭ inšych abłaściach. Nie ŭsie ŭsprymajuć pahrozu, staviacca bieskłapotna, złoŭžyvajuć ałkaholem. Pryčyna adna i taja ž, što pry pažarach i hibieli na vadzie, — biesturbotnaść u adnosinach da ŭłasnaj biaśpieki», — padkreśliŭ Vaščanka.