Deputaty parłamienta Małdovy zaćvierdzili skład i prahramu novaha ŭrada na čale z premjer-ministram Paŭłam Filipam. Takoje rašeńnie padtrymali 57 sa 101 parłamientaryja.
Pakolki partyja sacyjalistaŭ zabłakavała centralnuju trybunu, sprabujučy pieraškodzić praviadzieńniu pasiadžeńnia, premjer abviaściŭ skład i prahramu kabinieta z zały pasiadžeńnia. Jak paviedamlaje kp.md, nastolki chutka premjer-ministry ŭ krainie jašče nie źjaŭlalisia — pasiadžeńnie doŭžyłasia krychu bolš za paŭhadziny.
Kala budynka parłamienta sabrałasia šmattysiačnaja pratestnaja demanstracyja, arhanizavanaja małdaŭskaj apazicyjaj.
kp.md
Vidavočcy paviedamlajuć, što častka demanstrantaŭ pasprabavała prarvać kardony i ŭvarvacca ŭ budynak, paśla čaho pačalisia sutyknieńni z palicyjaj.
U Małdovie ŭžo niekalki miesiacaŭ praciahvajecca palityčny kryzis.
U kastryčniku minułaha hoda parłamient krainy prahałasavaŭ za adstaŭku ŭrada premjer-ministra Valeryja Stralca paśla taho, jak hałoŭnyja apazicyjnyja partyi vykazali jamu votum niedavieru.
