Prezident Ukrainy Piatro Parašenka stvaryŭ u składzie svajho pradstaŭnictva ŭ Krymie słužbu pa pytańniach tak zvanaj deakupacyi paŭvostrava.
Paviedamleńnie apublikavana na aficyjnym sajcie prezidenta Ukrainy.
«Ukazam zaćvierdžana abnoŭlenaja struktura pradstaŭnictva, u jakoj praduhledžany, siarod inšych, słužba pa pracy z hramadzianami, jakija pierasialilisia z časova akupavanaj terytoryi, słužba mižnarodnych suviaziaŭ i słužba pa pytańniach reintehracyi i deakupacyi Aŭtanomnaj Respubliki Krym», — havorycca ŭ dakumiencie.
Taksama viedamstva pavinna prymać bolš aktyŭny ŭdzieł u raspracoŭcy stratehičnych prahram pa viartańniu paŭvostrava pad ahulnuju jurysdykcyju Ukrainy.
Raniej u čaćvier ukrainski ministr finansaŭ Natalla Jareśko anansavała stvareńnie novaj dypłamatyčnaj inicyjatyvy pa viartańni Kryma.