Udava niadaŭna pamierłaha amierykanskaha miljardera Duhłasa Tompkinsa viadzie pieramovy z uładami Čyli ab biazvypłatnaj pieradačy im vializnaha zapaviednika na poŭdni krainy.
Kryścin Makdyvit Tompkins abmierkavała hetaje pytańnie padčas sustrečy z prezidentam Čyli Mišel Bačelet.
U 2005 hodzie Tompkinsy ŭžo pieradali Čyli kala 300 hiektaraŭ ziamli kala vułkana Karkavada, dzie byŭ stvorany nacyjanalny zapaviednik. fotawikipedia.org
Pa słovach udavy pradprymalnika, jana aficyjna prapanavała pieradać Čyli 400 tysiač hiektaraŭ ziamli ŭ Patahonii pry ŭmovie, što jany buduć pieratvoranyja ŭ nacyjanalnyja parki, adkrytyja dla naviedvańnia.
Čakajecca, što pieramovy praciahnucca dva hady.
Duhłas Tompkins, 72-hadovy suzasnavalnik marki adzieńnia North Face, zahinuŭ u śniežni 2015 hoda padčas spłavu na kajaku.
Budučy aktyŭnym abaroncam navakolnaha asiarodździa, u 1990-ja hady jon pačaŭ skuplać ziemli ŭ Patahonii i pieratvarać ich u achoŭnyja pryrodnyja parki, adnak jaho dziejańni vyklikali šmat sprečak.
