Zaćvierdžany pieralik jurydyčnych asob — pieramožcaŭ konkursu, jakija buduć zabiaśpiečvać realizacyju vyklučnaha prava dziaržavy na ažyćciaŭleńnie impartu ałkaholnaj pradukcyi ŭ 2016 hodzie.
Jak paviedamiła Ministerstva handlu, u novym śpisie 29 dziaržaŭnych i pryvatnych pradpryjemstvaŭ. U pieraliku śpiecimparcioraŭ na 2015 hod było 35 jurydyčnych asob.
U abnoŭlenym śpisie — DP «Biełaruśhandal», AAT «Biełbakaleja», TAA «Tytuń Inviest» (Minsk), AAT «Tabakvintorh» (Homiel), TAA «Jeŭrahandal», SP «Pierno Rykar Minsk» TAA, ZP «Harsija», STAA «Biełvinhrup», UP «Dyjakonija», STAA «Akvatrajpł», STAA «Zavod vinahradnych vin «Dyjanis», AAT «Minski zavod pienistych vin», ZAT «Minski zavod vinahradnych vin», TAA «Zavod Bulbaš'» i inšyja.
Sistema ŭvozu ałkaholu ŭ Biełaruś źmianiłasia ŭ 2008 hodzie paśla ŭvachodžańnia ŭ siłu dekreta prezidenta № 3, jaki zamianiŭ kvatavańnie impartu ałkaholnaj pradukcyi na instytut śpiecimparcioraŭ. Apošnich vybirajuć pa konkursie. Impartavać ałkaholnyja napoi paśla pieramohi ŭ konkursie mohuć jak dziaržaŭnyja, tak i niedziaržaŭnyja pradpryjemstvy.
Zhodna z dekretam № 2 ad 11 krasavika 2011 hoda, darahija ałkaholnyja napoi ŭvoziacca ŭ Biełaruś u režymie svabodnaha impartu.
Jak paviedamlałasia raniej, padrychtavany zakonaprajekt ab uniasieńni źmianieńniaŭ u zakon «Ab dziaržaŭnym rehulavańni vytvorčaści i abarotu ałkaholnaj, niecharčovaj pradukcyi z utrymańniem śpirtu i niecharčovaha etyłavaha śpirtu», zhodna ź jakim praduhledžana admiena vyklučnych pravoŭ dziaržavy na ažyćciaŭleńnie impartu ałkaholnych napojaŭ. Pakul dadzieny zakonaprajekt nie pryniaty.
