Va UUS Viciebskaj vobłaści za karupcyjnaje złačynstva byŭ zatrymany adzin z vysokapastaŭlenych milicyjantaŭ, paviedamili karystalniki.
U Śledčym kamitecie infarmacyju ab zatrymańni paćvierdzili.
— Upraŭleńniem Śledčaha kamiteta pa Viciebskaj vobłaści rasśledujecca kryminalnaja sprava ŭ dačynieńni da namieśnika načalnika DAI UUS Viciebskaha abłvykankama. Dziejańni słužbovaj asoby kvalifikavany pa č.1 art. 430 — atrymańnie chabaru, — paviedamiła aficyjny pradstaŭnik SK Julija Hančarova.
U dačynieńni da supracoŭnika milicyi prymieniena miery strymańnia ŭ vyhladzie zaklučeńnia pad vartu.
Heta nie pieršaje karupcyjnaja sprava ŭ viciebskaj dziaržaŭtainśpiekcyi — ciapier sud razhladaje materyjały ŭ dačynieńni da byłoha načalnika DAI rehijonu.
0
0
0
0
0
0
