U Litvie prapanoŭvajuć zabaranić raspaŭsiudžvańnie i vykarystańnie hieorhijeŭskaj stužki i pryličyć jaje da zabaronienaj savieckaj simvoliki.
Členy frakcyi Sajuz Ajčyna — Chryścijanskija demakraty Litvy ŭ Siejmie Paŭlus Saŭhardas, Valancinas Stundzis i Rymantas Jonas Dahis zarehistravali prajekty papravak da Kodeksa administracyjnych parušeńniaŭ i Zakonu ab schodach, paviedamlaje DELFI pavodle infarmacyi ahienctva ELTA.
«Z metaj abarony asnoŭnych pryncypaŭ suvierenitetu, svabody i demakratyi, a taksama achovy pravaparadku i strymańnia roznych pravakacyj, sprobaŭ raspalvańnia nacyjanalnaj varožaści, prapanujucca papraŭki da Zakonu ab schodach i Kodeksa ab administracyjnych parušeńniach, sutnaść jakich — pryličeńnie hieorhijeŭskaj stužki da nacysckich i kamunistyčnym simvałaŭ, raspaŭsiudžvańnie i demanstracyja jakich abmiažoŭvajecca, a kali hetaha nie prytrymlivajucca, to prymianiajecca administracyjnaja adkaznaść», — skazali aŭtary prajektu.
