Fota TASS
Jašyn rastłumačyŭ, što ŭ noč na 30 studzienia miemaryjał źnik: supracoŭniki pradpryjemstva «Harmost» źvieźli kvietki i płakaty, a taksama «złamali fatahrafii». Pierad hetym palicyja zatrymała dvuch aktyvistaŭ, jakija dziažuryli na moście. Pa viartańni jany ŭbačyli, što miemaryjała niama.
«Narodny miemaryjał», pavodle słovaŭ Jašyna, užo rujnavali 14 i 20 studzienia. Aktyvisty PARNASA razmaŭlali z pradstaŭnikami pradpryjemstva «Harmost». Adnak damoŭlenaści nie vykonvajucca, pryznačanyja arhanizacyjaj adkaznyja nie sočać za situacyjaj i razbor miemaryjała paŭtarajecca znoŭ.
Illa Jašyn upeŭnieny, što situacyja maje palityčnuju padaploku. Mahčyma, ułady spadziajucca, što aktyvisty pierastanuć adnaŭlać «narodny miemaryjał», dadaŭ jon.
