Zusim niadaŭna Pientahon źniaŭ abmiežavańni na słužbu žančyn u čaściach, jakija patrabujuć samaj vysokaj stupieni bajavoj padrychtoŭki, adnak śmiełyja žančyny ŭžo zapisvajucca ŭ kandydaty na konkurs, kab stać «riejdarami» — bajcami pałka kamandas marskoj piachoty.
Nichto nie źbirajecca «dziela palitkarektnaści» źnižać patrabavańni dla novych rekrutaŭ, kažuć pradstaŭniki pałka śpiecyjalnaha pryznačeńnia.
«Kamandavańnie śpiecyjalnych apieracyj Korpusa marskoj piachoty zachoŭvaje dakładnyja standarty bajavoj efiektyŭnaści. Praz heta pravodzicca adbor lepšych i najbolš kvalifikavanych marskich piechacincaŭ, kab stać apieratyŭnikami i aficerami», — adznačyŭ kapitan Barry Morrys.
«Niezaležna ad połu, usie bajcy atrymajuć adnolkavy ŭzrovień padrychtoŭki», — dadaŭ jon.
Paśla adboru kandydaty projduć žorstki pačatkovy trochtydniovy kurs padrychtoŭki, i tyja, chto jaho vytrymaje, budzie vučycca jašče try tydni, padčas jakich fizičnyja i razumovyja zdolnaści kandydata buduć maksimalna vyprabavanyja.
Połk «rejdaraŭ» Korpusa marskoj piachoty raniej nazyvaŭsia prosta Pałkom śpiecyjalnych apieracyj MP i byŭ pierajmienavany ŭ 2014 hodzie ŭ honar kamandas marskoj piachoty časoŭ Druhoj suśvietnaj vajny, jakija tady aficyjna nasili taki nazoŭ.
