Kala 100 čałaviek evakujavali siońnia dniom z budynka aŭtavakzała ŭ Homieli z-za padazronaha pakieta, paviedamili ŭ pres-słužbie UUS Homielskaha abłvykankama.
Na čorny polietylenavy pakiet, jaki lažaŭ na adnym ź siadzieńniaŭ u zale čakańnia, źviarnuŭ uvahu patrul milicyi. Jaho haspadara siarod pasažyraŭ nie było. Supracoŭniki milicyi apieratyŭna evakujavali ludziej, ačapili budynak i vyklikali sapiornuju hrupu v/č 5525 unutranych vojskaŭ MUS. Prybyŭšy na miesca, sapiory znajšli ŭ padazronym pakiecie tolki mužčynskuju vopratku. Nijakich vybuchovaniebiaśpiečnych rečyvaŭ u im nie było.
«Spracavali apieratyŭna. Praź niepraciahły čas aŭtavakzał viarnuŭsia da zvykłaha rytmu pracy. A voś haspadar padazronaha pakieta pa rečy tak i nie viarnuŭsia», — dadali ŭ pres-słužbie UUS.
