Kiraŭnik MZS Rasii Siarhiej Łaŭroŭ ličyć, što ekspart «kalarovaj revalucyi» ŭ Biełaruś niemahčymy. Pra heta jon zajaviŭ u intervju italjanskamu časopisu «Limies», tekst jakoha apublikavany na sajcie rasijskaha zamiežnapalityčnaha viedamstva.
Rasijski ministr pierakanany, što «luby ekspart revalucyj — kamunistyčnych, demakratyčnych i lubych inšych — nanosić vielizarnuju škodu narodam dziaržaŭ, jakija stanoviacca abjektami takich ekśpierymientaŭ». Na jaho dumku, takaja praktyka, jakaja źjaŭlajecca hrubym parušeńniem mižnarodnaha prava, surjozna padryvaje hłabalnuju i rehijanalnuju stabilnaść.
«Što tyčycca ŭłasna Biełarusi, to sproby razhajdać ŭnutrypalityčnuju situacyju ŭ hetaj krainie naŭrad ci sustrenuć padtrymku pieravažnaj bolšaści nasielnictva respubliki. Pra heta nahladna śviedčać vyniki praviedzienych u kastryčniku prezidenckich vybaraŭ, padčas jakich hramadzianie Biełarusi vykazalisia za ŭnutrypalityčnuju stabilnaść, za ŭmacavańnie suviaziaŭ z Rasijaj, u tym liku ŭ ramkach Sajuznaj dziaržavy i JEAES», — adznačyŭ Łaŭroŭ.