Ministerstva abarony RF paviedamiła pra hibiel 1 lutaha rasijskaha vajskovaha daradcy ŭ Siryi, piša RBK.
U paniadziełak bajeviki-isłamisty abstralali miesca dysłakacyi adnaho z padraździaleńniaŭ armii, viernaj dyktataru Bašaru Asadu. U vyniku rasijski aficer atrymaŭ śmiarotnaje ranieńnie.
Rasijskija samaloty na bazie Chmiejmim u Siryi
«Rasijski daradca dapamahaŭ zasvojvać novyja ŭzbrajeńni, jakija pastaŭlajucca ŭ miežach miždziaržaŭnych kantraktaŭ», — paviedamiła ŭstanova.
Heta čaćviortaja hibiel rasijskaha vajskoŭca ŭ Siryi, jakuju aficyjna pryznała RF.
U kastryčniku 2015 hoda hazieta The Wall Street Journal pisała, što ad minamiotnaha abstrełu zahinuli da 9 hramadzian RF, adnak hetyja dadzienyja Maskva abvierhła.
Biełaruskija vajskovyja naziralniki raniej adznačali, što našaj krainie vyhadny bolš aktyŭny ŭdzieł Rasii ŭ jak maha bolš dalokich ad nas i darahich dla Maskvy vojnach. Adnak, kaniešnie, heta nie značyć, što luby praciŭnik RF u Siryi varty spačuvańnia.