Kolkaść bajevikoŭ ekstremisckaj hrupoŭki «Isłamskaja dziaržava» składaje zaraz kala 25 tysiač, paviedamlajuć amierykanskija ŚMI sa spasyłkaj na dadzienyja raźviedki ZŠA.
Pry hetym roznyja vydańni robiać nieadnaznačnyja vysnovy adnosna dynamiki kolkaści ID.
Tak, Rejter pakazvaje, što zhodna z raniejšaj acency na baku ID vajavali ŭ Siryi i Iraku kala 31 tysiačy. Takim čynam, adbyłosia pasłableńnie hrupoŭki na 20%.
Novyja padliki raźviedki aznačajuć toje, što «jany [bajeviki] pa-raniejšamu ŭjaŭlajuć saboj surjoznuju pahrozu, ale patencyjnaja ich kolkaść pamienšyłasia», cytuje ahienctva pres-sakratara Biełaha doma Džoša Ernesta.
Raniej, adnak, USA Today i telekanał Fox News sa spasyłkaj na tyja ž raźviedvalnyja dadzienyja paviedamili, što prybliznaja kolkaść bajevikoŭ ID zaraz składaje 20-25 tysiač, u toj čas jak hod tamu naličvałasia 19-31 tysiača. Adsiul jany robiać vysnovu, što niahledziačy na namahańni mižnarodnaj kaalicyi, «Isłamskaj dziaržavie» pakul udajecca zachoŭvać raniejšuju ščylnaść šerahaŭ.
