Urad RF źbirajecca ŭvieści akcyzy na tavary, častaje ŭžyvańnie jakich moža nanieści škodu zdaroŭju, u tym liku z utrymańniem palmavaha aleju, piša hazieta «Viedomosti».
Krynicy vydańnia raspaviali, što ŭ pieralik «škodnych» praduktaŭ mohuć patrapić čypsy, elektronnyja cyharety i hazavanyja napoi. Adna ź ich dadała, što śpis moža być pašyrany praduktami z pavyšanym utrymańniem tłuščaŭ i cukru. Taksama moža być razhledžany varyjant z uviadzieńniem akcyzaŭ na sam cukar i palmavy alej.
Pa dadzienych haziety, akcyz na palmavy alej moža być uviedzieny ŭžo 1 lipienia pa staŭcy kala $200 za tonu albo na ŭzroŭni ŭ 30% ad koštu. Pry hetym ciapier u Rasii raście spažyvańnie hetaha aleju, jaki vykarystoŭvajecca ŭ jakaści tannaj zamieny tłuščam žyviolnaha pachodžańnia.
Surazmoŭcy haziety śćviardžajuć, što ideju padtrymlivaje prezident RF Uładzimir Pucin. Letam minułaha hoda z prapanovaj ab abmiežavańni rekłamy «škodnych» praduktaŭ vystupała hrupa deputataŭ na čale z adzinarosam Vasilom Šastakovym, byłym trenieram Pucina pa dziudo.
