Ałbanija ŭviała 10-hadovuju zabaronu na vysiečku dreŭ dla pramysłovych metaŭ, paviedamiła ŭ hetuju piatnicu ministerstva pa prablemach navakolnaha asiarodździa krainy. Maratoryj byŭ uchvaleny ałbanskim parłamientam: za heta rašeńnie prahałasavaŭ 101 deputat sa 140.
Parušalniki zakona mohuć atrymać da 10 hadoŭ turmy.
Zabarona nieabchodnaja, kab paźbiehnuć ekałahičnaj katastrofy ŭ adnoj z samych biednych krain Jeŭropy.
Urad krainy taksama abaviazaŭsia ŭzmacnić baraćbu ź niezakonnaj vysiečkaj dreŭ. Mienavita heta źjaŭlajecca pryčynaj źniknieńnia lasoŭ u krainie.
Miascovyja ŭłady zmohuć u redkich vypadkach dazvalać vysiečku dreŭ dla aciapleńnia damoŭ.
Za apošnija 25 hadoŭ lasnoje pokryva Ałbanii pamienšyłasia napałovu: da 1990 hoda lasy pakryvali 51% terytoryi krainy, a ciapier — tolki 25%. U hod u krainie vysiakajecca ŭ siarednim 2,5 młn dreŭ.
Asablivuju tryvohu ŭ ekołahaŭ vyklikaje źniknieńnie lasoŭ na bierahach rek, bo heta pavyšaje ryzyku pavodak u krainie. Ad ich kraina pakutuje ŭ apošnija hady.