Rosenheim24.de
U Bavaryi ranicaj u aŭtorak sutyknulisia dva pasažyrskija ciahniki. U vyniku niekalki vahonaŭ adnaho z pasažyrskich sastavaŭ syšli z rejek. Incydent adbyŭsia niedaloka ad horada Bad-Ajblinh.
Fiederalnaja palicyja zajaviła pra dzieviać zahinułych. Pavodle paviedamleńniaŭ palicyi ź miesca avaryi, prynamsi dziesiać čałaviek atrymali ciažkija traŭmy, a ahulnaja kolkaść paciarpiełych dasiahaje 150 čałaviek, 50 čałaviek u ciažkim stanie.
Rosenheim24.de
U vyratavalnaj apieracyi na miescy katastrofy zadziejničany pažarnyja, bryhady chutkaj dapamohi i viertaloty.
Pa papiarednich dadzienych, pryčynaj mahło stać łabavoje sutyknieńnie ciahnikoŭ marki Meridian. Pra heta paviedamiŭ internet-vydańniu Rosenheim24 pradstaŭnik palicyi Jurhien Talmajer.
