72-staronkavaje vydańnie «Biełaruskaja muzyka ŭ prahramach dyskatek i kłubnych viečaroŭ» padrychtavała da druku dziaržaŭnaja ŭstanova «Minski abłasny centr narodnaj tvorčaści».
Jano składajecca z dvuch raździełaŭ – u pieršaj častcy padajucca bijahrafičnyja źviestki pra najbolš aktualnych biełaruskich vykanaŭcaŭ pa stylach (pop, rok, rep), a druhi raździeł całkam pryśviečany rejtynhu «100 najvialikšych biełaruskich piesień», jaki partał Tuzin.fm skłaŭ na padstavie apytańnia 93 ekśpiertaŭ. Śpis nie byŭ adcenzuravany, niahledziačy na najaŭnaść u im takich piesień, jak «Ściah» Vajciuškieviča, himn BNR «My vyjdziem ščylnymi radami», «Mahutny Boža» na słovy Natalli Arsieńnievaj, «Heta my» Andreja Mielnikava, «Partyzanskaja» N.R.M., «Voiny śviatła» Siarhieja Michałka dy inšych tvoraŭ.
Vychad vydańnia ŭchvaliŭ Narodny artyst SSSR i Biełarusi Ihar Łučanok. «My chacieli danieści da rabotnikaŭ kultury dy ideolahaŭ, što isnuje sučasnaja piesiennaja kultura, jakaja zachoŭvajecca ŭ pamiaci ludziej, hetyja pieśni lubiać i słuchajuć, jak by tamu nie piarečyli. I z hetym faktam treba ličycca», – zajaviŭ u kamientary dla Tuzin.fm układalnik dapamožnika Jury Cybin.
Zbornik vyjšaŭ nakładam u 200 asobnikaŭ vyklučna dla raspaŭsiudu pa dziaržaŭnych ustanovach kultury. Nadalej jaho ŭkładalniki źbirajucca pašyryć dapamožnik i vydać jaho dla masavaha čytača.
