Namieśnik ministra zamiežnych spraŭ Polščy Konrad Šymanski 10 lutaha zajaviŭ, što Varšava padtrymlivaje abmiežavańnie jeŭrasajuzaŭskich sankcyjaŭ suprać pradstaŭnikoŭ Biełarusi.
Pa słovach polskaha dypłamata, jakija pieradaje zn.ua, ES hatovy padkarektavać svaju ciapierašniuju palityku ŭ dačynieńni da Biełarusi ŭ bok bolšaj adkrytaści, i Polšča padtrymlivaje hetuju bolšuju adkrytaść. «Heta aznačaje, što ciapierašniaja palityka sankcyjaŭ u dačynieńni da Minska budzie skaročanaja da zachavańnia embarha na handal zbrojaj i pakidańnie ŭ sankcyjnym śpisie tolki čatyroch čałaviek, jakija niepasredna datyčnyja da źniknieńnia apazicyjanieraŭ u 1999-2000 hadach», — paviedamiŭ Šymanski.
Taksama jon dadaŭ, što libieralizacyja vizavaha režymu pamiž ES i biełaruskimi čynoŭnikami budzie źviazanaja z zachavańniem pravoŭ nacyjanalnych mienšaściaŭ u Biełarusi i asnovaŭ viaršenstva prava i demakratyi.
Nahadajem, 28 kastryčnika Jeŭrasajuz «zamaroziŭ» na čatyry miesiacy sankcyi suprać pradstaŭnikoŭ Biełarusi. Pad prypynieńnie trapili 171 fizičnaja i 10 jurydyčnych asobaŭ.
Da kanca lutaha Rada ministraŭ zamiežnych spraŭ pavinien pryniać rašeńnie nakont dalejšaha losu sankcyjaŭ. U «čornym śpisie» pakul što zastajucca čatyry čałavieki.
