Sajt antijournalist.by źviarnuŭ uvahu na toje, što rašeńnie Minharvykankama № 18 «Ab taryfach na žyllova-kamunalnyja pasłuhi, jakija pradstaŭlajucca nasielnictvu, subsidavanych dziaržavaj», było aficyjna apublikavana tolki 27 studzienia 2016 hoda. Heta značyć, što ŭ hety ž dzień jano ŭstupiła ŭ siłu. Atrymlivajecca, što vieści raźliki ŭ žyroŭkach pa novych taryfach za ŭvieś studzień nie mahli i zaraz usio treba budzie pieraličyć? FINANCE.TUT.BY vyśviatliŭ, ci tak heta nasamreč.
Pa słovach hienieralnaha dyrektara dziaržaŭnaha abjadnańnia «Minskaja haradskaja žyllovaja haspadarka» Vitala Śmirnova, hetaja vysnova viernaja tolki adnosna pasłuh pa vodazabieśpiačeńni i vodaadviadzieńni (radok u žyroŭcy «vada-kanalizacyja»). Mienavita za chałodnuju vadu ŭsie zapłaciać pa novych taryfach tolki za 4 dni studzienia — z 27-ha pa 31-ha. Praktyčna za ŭvieś miesiac apłata budzie vystaŭlena pa starych cenach.
«Ale ŭsie novyja pasłuhi (techabsłuhoŭvańnie lifta, elektraenierhija na ruch lifta, aśviatleńnie i sanitarnaje ŭtrymańnie dapamožnych pamiaškańniaŭ) praduhledžanyja ŭkazam prezidenta № 535, jaki ŭstupiŭ u siłu z 1 studzienia 2016 hoda. Tamu jany buduć apłačvacca pa-novamu za ŭvieś studzień», — patłumačyŭ Vital Śmirnoŭ.
Padahreŭ vady i aciapleńnie taksama budzie raźličana pa śviežych taryfach, jakija ŭstanoŭleny pastanovaj Savieta Ministraŭ (jana taksama ŭstupiła ŭ siłu z 1 studzienia).
Nahadajem, što pa našych padlikach, žyroŭki padaražejuć na 40-70% u zaležnaści ad mietražu kvatery i kolkaści žycharoŭ.
Uličvajučy pieraraźlik pa vadzie, jaki pavinny buduć zrabić u centry infarmacyjnych technałohij Minharvykankama, rost kamunałki budzie krychu mienšy.
