Śniehapad u Biełarusi spynicca siońnia pozna ŭviečary, paviedamili ŭ Biełhidramiecie.
«Na dadzieny momant my znachodzimsia ŭ cyrkulacyi cykłona, jaki idzie z paŭdniovych šyrot na poŭnač. Terytoryja Biełarusi apynułasia pad upłyvam frantalnych raździełaŭ hetaha cykłona», — adznačyli sinoptyki.
Tam kanstatavali, što śniehapady projduć na bolšaj častcy terytoryi krainy. Mocny śnieh prahnazujecca miescami ŭ Mahiloŭskaj, Viciebskaj, Homielskaj i pa ŭschodzie Minskaj abłaściej. U Minsku projdzie ŭmierany śnieh.
«Nievialiki śnieh siońnia budzie iści ceły dzień. Da pačatku nočy jon spynicca. Na źmienu jamu pryjdzie doždž. Nijakich nadzvyčajnych situacyj nie prahnazujem. Kali raptam ŭbačym, što nadvorje budzie paharšacca, damo štarmavoje apaviaščeńnie», — raspaviali sinoptyki.
