U centry Minska adkryty aŭtamabilny ruch pa vulicy Dzimitrava. Zabudoŭščyk šmatfunkcyjanalnaha kompleksu Galleria Minsk pravioŭ trochpałosnuju darohu i ŭźvioŭ nadziemny pierachod da praśpiekta Pieramožcaŭ, paviedamili pradstaŭniki kampanii-inviestara.
Novaja daroha prachodzić paralelna praśpiektu Pieramožcaŭ i źviazvaje pamiž saboj vulicy Mielnikajte i Zamkavuju. Ustanoŭlenyja lichtary i darožnyja znaki, arhanizavanaje śviatłafornaje rehulavańnie. Pahorak z boku vulicy Dzimitrava ŭmacavany padpornaj ścianoj, a dla piešachodaŭ praduhledžany tratuar.
Daroha prachodzić uzdoŭž novaha parkinha na 1 tys. Aŭtamabilaŭ, budaŭnictva jakoha budzie zavieršana ŭ bližejšy čas. Miarkujecca, što jon budzie absłuhoŭvać jak naviedvalnikaŭ handlova-zabaŭlalnaha centra Galleria Minsk z haścinicaj, tak i rabotnikaŭ administracyjnych budynkaŭ i žycharoŭ.
Nad darohaj arhanizavany piešachodny pierachod: paśla adkryćcia parkinha praź jaho možna budzie najkarotkim šlacham patrapić na praśpiekt Pieramožcaŭ, zzadu kinateatra «Maskva». Dla hetaha na druhim paviersie parkinha ŭžo naniesienaja piešachodnaja raźmietka i ŭstanoŭlenyja «lažačyja palicejskija». Usio heta zroblena śpiecyjalna dla zručnaści žycharoŭ bližejšych damoŭ, adznačajuć u kampanii.
Ciapier daroha vykarystoŭvajecca tymi, chto žyvie i pracuje ŭ centry horada, pakul heta samy karotki šlach da Rakaŭskaha pradmieścia. Haradskija ŭłady paprasili zabudoŭščyka adkryć ruch zahadzia: patreba ŭ darozie rezka ŭzrasła paśla pačatku budaŭnictva mietro pad vulicaj Mielnikajte. Adnak u budučyni asnoŭny trafik źviazvajuć usio ž z naviedvalnikami TRC Galleria Minsk i pastajalcami haścinicy DoubleTree by Hilton.
«My pieršapačatkova płanavali stvaryć paŭnavartasnuju trochpałosnaj darohu, jakaja b zmahła absłuhoŭvać jak naviedvalnikaŭ handlova-zabaŭlalnaha centra, tak i aŭtamabilistaŭ, jakija dabirajucca ŭ rajon Rakaŭskaha pradmieścia. My raźličvajem, što heta sprościć navihacyju ŭ centry horada i kampiensuje mahčymyja niazručnaści, jakija byli stvoranyja žycharam bližejšych damoŭ padčas budaŭnictva kompleksu», — zaznačyli ŭ kampanii-zabudoŭščyku.
