Usia kraina abmiarkoŭvaje rost kamunałki. Ad pačatku studzienia mnohija taryfy istotna vyraśli, i biełarusy atrymali našmat bolšyja rachunki, čym pryvykli. Da taho ž studzień byŭ davoli maroznym, a značycca, płata za aciapleńnie atrymałasia najvialikšaj.
Taryfy vyraśli dla ŭsich — i bahatych, i biednych.
Darahi haz u Lidzii Jarmošynaj
Dniami staršynia Centrvybarkama Lidzija Jarmošyna (ułaśnica cahlanaha doma płoščaj 270 m2 u Drazdach), atrymała kvitancyju ab apłacie vady, kanalizacyi i vyvazie śmiećcia na 119 400 rubloŭ.
Dadatkovyja 210 tysiač jana štomiesiac płacić za achovu doma.
Najbolšyja płaciažy vystaŭlajucca za spažytyja haz i elektryčnaść.
Jarmošyna ŭ apošnija miesiacy nadoŭha vyjazdžała na adpačynak za miažu — u Italiju i Francyju. Tym nie mienš, dom biez aciapleńnia nie pakinieš — u minułym miesiacy Jarmošynaj naličana za haz ažno 635 tysiač.
Kvartpłata Ščotkinaj vyrasła na 59%
Maryjana Ščotkina — ministr pracy i sacyjalnaj abarony.
Ščotkina dabudoŭvaje sabie katedž u «Drazdach-2»…
…a pakul žyvie ŭ prastornaj trochpakajoŭcy ŭ staličnym spalnym rajonie Kuncaŭščyna.
Za śniežań 2015 hoda, kali jašče dziejničali «staryja» taryfy, Ščotkina musiła zapłacić za kamunałku 420 400 rubloŭ.
U studzieni 2016 hoda ličba istotna vyrasła — da 667 800 rubloŭ. Takim čynam, jaje piersanalny rost kvartpłaty skłaŭ 59%.
Dadatkova Ščotkina spłačvaje 70 tysiač rubloŭ za achovu kvatery.
Kali dadać apłatu za elektryčnaść i stacyjanarny telefon, ahulny pamier kamunałki ministra pracy i sacylnaj abarony daraście da 900 tysiač rubloŭ.