U Čerykavie na dzieviacihadovuju dziaŭčynku napali i pakusali raźjušanyja aŭčarki. Pra heta paviedamili ŭ adździaleńni infarmacyi i hramadskich suviaziej UUS Mahiloŭskaha abłvykankama.
Dziaŭčynka dniom 16 lutaha prachodziła mima aharodžanaj terytoryi «Čerykaŭskaha žyłkamunhasa». Raptam vyskačyli dźvie aŭčarki i stali kusać dzicia. Adbić spałochanuju dziaŭčynku zmahli minaki, jakija padaśpieli na dapamohu. U paciarpiełaj surjoznyja rvanyja rany nahi, padrapanaja šyja. Jana znachodzicca ŭ rajonnaj balnicy. Miedyki aceńvajuć jaje stan jak zdavalniajučy.
Haspadara sabak chutka znajšli. Pa jaho rašeńni adnaho sabaku usypili, a druhi znachodzicca pad nahladam śpiecyjalistaŭ. Pa dadzienym fakcie Čerykaŭskaha RAUS pravodzicca pravierka, pryznačanyja ekśpiertyzy. Za parušeńnie praviłaŭ utrymańnia sabak uładalniku aŭčarak pahražaje jak minimum administracyjnaja adkaznaść.
