U Biełarusi zaćvierdžany hrafik centralizavanaha testavańnia. Tradycyjna, paviedamlajecca na Nacyjanalnym pravavym internet-partale, ustupnaja kampanija ŭ hetym hodzie pačniecca z testaŭ pa ruskaj i biełaruskaj movach.
Takim čynam, u hetym hodzie abituryjenty buduć pisać:
13 červienia — biełaruskuju movu;
14 červienia — ruskuju movu;
16 červienia — hramadaznaŭstva;
18 červienia — bijałohiju;
19 červienia — matematyku;
21 červienia — historyju Biełarusi;
23 červienia — chimiju;
24 červienia — fiziku;
25 červienia — zamiežnuju movu (anhlijskaja, niamieckaja, francuzskaja, ispanskaja, kitajskaja);
27 červienia — suśvietnuju historyju (najnoŭšy čas) i hieahrafija.
Pačatak kožnaha z testaŭ — 11.00. Data reziervovaha dnia - 5 lipienia (aŭtorak).
CT u hety dzień budzie prachodzić u Biełaruskim dziaržaŭnym univiersitecie, zapisacca na jaho možna z 28 červienia pa 1 lipienia.
Baza dadzienych abituryjentaŭ farmujecca z dapamohaj aŭtamatyzavanaj infarmacyjnaj sistemy «Ahulnarespublikanski bank danych udzielnikaŭ centralizavanaha testavańnia». Pa aŭdytoryjach u punktach praviadzieńnia centralizavanaha testavańnia abituryjentaŭ buduć raźmiarkoŭvać pa śpisach abituryjentaŭ, składzienych u ałfavitnym paradku.
