Raspracavanaja sistema kłasifikacyi typaŭ ahresii mocna tarmozić psichijatryčnaje lačeńnie dziaciej i padletkaŭ. Hetaje pytańnie było pastaŭlena amierykanskim navukoŭcam Deniełam Konaram u artykule, apublikavanym u Journal of Child and Adolescent Psychopharmacology.
Dziciačaja impulsiŭnaja ahresija źjaŭlajecca surjoznaj kliničnaj prablemaj i prablemaj hramadskaj achovy zdaroŭja. Zachvorvańnie charaktaryzujecca raźvićciom niekantralavanych pavodzinaŭ, jakija majuć roznyja prajavy: ad padletkavaj depresii, da raznastajnych formaŭ vierbalnaj i fizičnaj ahresii, jakaja davodzić da dziciačaj złačynnaści.
Biessensoŭnaść lačeńnia, jakoje ŭžyvajecca zaraz, vyjaŭlajecca ŭ tym, što niebiaśpiečnyja simptomy zachvorvańnia praź niekatory čas paśla špitalizacyi viartajucca. Lekary-psichaterapieŭty raspracoŭvajuć novyja mietady lačeńnia, zasnavanyja na faktyčnych dadzienych, dla metavaha lačeńnia impulsiŭnaj ahresii ŭ roznych jaje formach. Kahnityŭnyja miechanizmy hnievu i ahresii pakul pracujuć niezaležna ad psichaterapieŭtyčnych dyjahnazaŭ. Vidy ahresii dastatkova blizkija pa svaich prajavach, i ŭ hetym zaklučajecca ciažkaść ich raźmiežavańnia i kłasifikacyi. Ale važnaść hetaha pytańnia nie padviarhajecca sumnievu, bo ad jaho rašeńnia zaležyć efiektyŭnaje lačeńnie dziaciej, a značyć, i ich budučynia.
