U Iranie pačalisia vybary ŭ parłamient i Radu ekśpiertaŭ — relihijny orhan, jaki vybiraje duchoŭnaha lidara krainy. Heta pieršaje ŭsieahulnaje hałasavańnie dla irancaŭ z momantu zaklučeńnia histaryčnaha pahadnieńnia ab jadziernaj prahramie z suśvietnymi dziaržavami.
tass.ru
Prychilniki reformaŭ i centrysty, jakija akazvajuć padtrymku prezidentu Chasanu Raŭchani, sfarmavali kaalicyju pad nazvaj «Śpis nadziei», meta jakoj — źmienšyć kolkaść žorstkich kansiervataraŭ u abodvuch dziaržaŭnych orhanach.
U vybarach mohuć pryniać udzieł amal 55 miljonaŭ čałaviek.
U chodzie hałasavańnia jany abiaruć 290 deputataŭ na čatyrochhadovy termin, a taksama 88 bahasłovaŭ na vaśmihadovy termin u Radu ekśpiertaŭ.
Vybarčyja ŭčastki adkrylisia ŭ 8 ranicy pa miascovym časie (07:30 minskaha) i pavinny začynicca ŭ 18:00. Adnak ułady paviedamili, što padčas hałasavańnia moža być padoŭžanaje z-za doŭhich čerhaŭ.
Klučavym faktaram na hetych vybarach stała nacyjanalnaja ekanomika. Z ulikam źniaćcia sankcyj i viartańnia zachodnich inviestaraŭ u Iran mnohija spadziajucca na palapšeńnie ŭzroŭniu žyćcia, adznačaje jon.