Cieła 26-hadovaha turysta ź Biełarusi znajšli dniom 29 lutaha ŭ voziery la padnožža vadaspadu ŭ rajonie horada Dałat u Vjetnamie. Niaščasny vypadak adbyŭsia ŭ niadzielu, paviedamlajuć miascovyja ŚMI.
U pasolstvie Biełarusi ŭ Vjetnamie paćvierdzili, što cieła biełarusa było znojdziena ŭ paniadziełak, 29 lutaha.
Vyratavalnaja apieracyja, thanhniennews.com
Ratavalniki dastali cieła Viktara Bandarenki z voziera la padnožža vadaspadu Panhur u 10.30 ranicy. Jano budzie dastaŭlena ŭ morh ŭ Chašyminie, zatym budzie vyrašacca pytańnie ab dastaŭcy cieła ŭ Biełaruś.
U pošukach udzielničali amal 100 ratavalnikaŭ.
Papiarednie ŭstanoŭlena, što małady čałaviek, raspranuŭšysia, skoknuŭ u voziera la padnožža vadaspadu Panhur (kala 40—50 km ad horada) prykładna a treciaj hadzinie dnia.
Turysty, što znachodzilisia pobač, adznačyli, što amal adrazu jon pačaŭ tanuć. Jany sprabavali akazać tanułamu dapamohu, ale nie zmahli i paviedamili pra zdareńnie miascovym uładam.
Ratavalniki praciahvali pošuki da dzieviaci viečara, pakul vada ŭ voziery nie stała chałodnaj. Na nastupnuju ranicu pošuki adnavilisia.
Pavodle infarmacyi miascovych ŚMI, Viktar Bandarenka pryjechaŭ u Vjetnam 16 lutaha.
Niekalkimi dniami raniej u vadaspadach u toj ža miascovaści zahinuli troje brytancaŭ: 25-hadovy chłopiec i dziaŭčaty 19 i 25 hadoŭ. Turysty spuskalisia ŭniz pa vadaspadzie biez strachoŭki, paśliznulisia i raźbilisia, zvaliŭšysia na kamiani.
