Siroty zmohuć atrymać ilhotnyja kredyty na žyllo pa-za čarhoj, paviedamiła siońnia kansultant upraŭleńnia žyllovaj palityki Ministerstva architektury i budaŭnictva Ina Pinkoŭskaja na pres-kanfierencyi ŭ BIEŁTA, kamientujučy novaŭviadzieńni ŭkaza numar 460.
«Ukazam numar 460 pašyrana prava dziaciej-sirot na atrymańnie lhotnych kredytaŭ na budaŭnictva, rekanstrukcyju abo nabyćcio žylla. Raniej dzieci-siroty taksama mahli atrymać taki kredyt, ale dziaržpadtrymka pradastaŭlałasia ŭ paradku ahulnaj čarhovaści. Z 1 sakavika jany buduć mieć prava atrymlivać ilhotnyja kredyty i subsidyi ŭ pazačarhovym paradku», — rastłumačyła Ina Pinkoŭskaja.
Ilhotny kredyt sirotam budzie pradastaŭlacca na 40 hadoŭ pad 1 pracent. Sacyjalnaje žyllo jany buduć atrymlivać na 5 hadoŭ. Paśla zakančeńnia hetaha terminu možna zastacca žyć u kvatery, ale jana budzie pieraviedziena ŭ katehoryju arendnaha žylla.
Akramia taho, z ustupleńniem u siłu ŭkaza prava na pieršačarhovaje kredytavańnie pazbaŭlajucca hramadzianie, jakija pražyli ŭ internatach bolš za 10 hadoŭ.
Jak rastłumačyła načalnik adździeła jurydyčnaj raboty i kadraŭ Ministerstva žyllova-kamunalnaj haspadarki Natalla Kucharčyk, ukazam numar 460 taksama praduhledžana mahčymaść pieravodzić internaty ŭ arendnaje žyllo, jakoje možna budzie pryvatyzavać. Pry hetym prava na pryvatyzacyju buduć mieć nie ŭsie katehoryi hramadzian.
Dla pieršačarhavikoŭ (hramadzian, jakija atrymali žyllo na pieryjad pracaŭładkavańnia — maładych śpiecyjalistaŭ, vajennasłužačych, sudździaŭ i inš.) panižajučy kaeficyjent na arendnaje žyllo z 1 sakavika budzie prymianiacca tolki da 20 kv.m žylla ŭ raźliku na člena siamji. Kali va ŭłasnaści ŭ pieršačarhavika źjavicca inšaje žyllo, to jon budzie vysieleny z arendnaj kvatery.
Jašče adno źmianieńnie źviazana z paradkam akumulavańnia srodkaŭ, jakija pastupajuć u jakaści płaty za arendnaje žyllo. Abłvykankamy i Minharvykankam buduć źbirać hetyja srodki na svaich rachunkach i samastojna imi rasparadžacca.
Z 1 sakavika ŭstupaje ŭ siłu ŭkaz numar 460, jakim praduhledžvajecca źmianieńnie asobnych norm u žyllovym budaŭnictvie. Asnoŭnyja navacyi źviazany z karekciroŭkaj ukaza numar 13 i nakiravany na ŭrehulavańnie šeraha pytańniaŭ, što datyčacca lhotnaha kredytavańnia hramadzian, jakija budujuć (rekanstrujujuć) abo nabyvajuć žyłyja pamiaškańni.
