Sajuz jeŭrapiejskich futbolnych asacyjacyj (UEFA) na adzin hod adchiliŭ turecki kłub «Hałatasaraj» ad udziełu ŭ spabornictvach jeŭrakubkaŭ za parušeńni finansavych praviłaŭ arhanizacyi.
Va UEFA rastłumačyli, što kiraŭnictva kłuba nie vykanała patrabavańniaŭ pa rehulavańni dapuščalnaha ŭzroŭniu finansavych strat.
Pradstaŭnik «Hałatasaraja» zajaviŭ ahienctvu Asašyejted pres, što kamanda vyvučaje tekst rašeńnia i paźniej vystupić z aficyjnym kamientarom.
Tak zvany pryncyp «finansavaha fejr-płej» (financial fair-play) dazvalaje futbolnym kłubam mieć vydatki, suma jakich pieravyšaje ich ža dachody nie bolš čym na 5 młn jeŭra.
Jak vyśvietlili śledčyja UEFA, turecki kłub nie zmoh pakazać stanoŭčy finansavy bałans u pieryjad nazirańnia z boku futbolnaha sajuza.
«Hałatasaraj» — adzin z samych paśpiachovych futbolnych kłubaŭ krainy, 20-kratny čempijon Turcyi, 15-razovy ŭładalnik Kubka Turcyi, a taksama ŭładalnik Kubka UEFA i Supierkubka UEFA.
