U Maskvie ŭ padziemnym kalektary znojdzieny cieły dvuch hramadzian Biełarusi. Jak paviedamlaje pres-słužba HSU SK Rasii pa Maskvie, pa papiaredniaj viersii, mužčyny, jakija pracavali ŭ adnoj ź inžynierna-budaŭničych kampanij Maskvy, zahinuli ad atručvańnia hazam pry praviadzieńni hazazvaračnych rabot.
Cieła vyjaviŭ načalnik učastka ŭ 13 hadzin 4 sakavika. Pa papiarednich dadzienych, pry praviadzieńni hazazvaračnych rabot, 35-hadovy mužčyna spuściŭsia ŭ šachtu padziemnaha kalektara, vykarystoŭvajučy ŭ jakaści adnaho ź instrumientaŭ hazavy bałon, praź niekatory čas jamu stała drenna, na dapamohu da jaho spuściŭsia inšy supracoŭnik, 27-hadovy małady čałaviek. Pavodle papiaredniaj infarmacyi, śmierć nastupiła ŭ vyniku atručvańnia hazam.
Pa dadzienym fakcie śledčymi orhanami Hałoŭnaha śledčaha ŭpraŭleńnia Śledčaha kamiteta Rasijskaj Fiederacyi pa horadzie Maskvie pravodzicca Daśledčaja pravierka. Pryznačana sudova- miedycynskaja ekśpiertyza. Pa jaje vynikach budzie pryniata pracesualnaje rašeńnie.
