Maryja Šarapava i Sierena Uiljams. Fota AP
Pieršaja rakietka śvietu Sierena Uiljams zajaviła, što šakavanaja viestkaj pra toje, što rasijskaja tenisistka Maryja Šarapava nie prajšła dopinh-test.
«Jak zajaviła Maryja, jana hatovaja ŭziać na siabie ŭsiu adkaznaść, i ja dumaju, što jana prademanstravała vialikuju mužnaść i advahu [zrabiŭšy padobnuju zajavu]», — skazała žurnalistam Uiljams u Ńju-Jorku.
Rasijskaja tenisistka Maryja Šarapava ŭ paniadziełak zajaviła, što ŭ studzieni nie prajšła test na dopinh padčas turniru Vialikaha šlema ŭ Aŭstralii. Pavodle jaje słoŭ, na praciahu dziesiaci hadoŭ jana prymała jak leki miłdranat, prapisany jaje siamiejnym lekaram, i nie viedała, što jaho zabaranili.
Maryja Šarapava i Sierena Uiljams sustrakalisia na tenisnym korcie 21 raz, tolki dva ź ich pieramoha dastavałasia rasijancy.