 |
«Homiel», MTZ-RIPA, «Dynama» (Miensk), BATE nie zmahli atrymać pieramohi ŭ matčach treciaha turu čempijanatu Biełarusi pa futbole.
Tablicu pa-raniejšamu sensacyjna praciahvaje ŭznačalvać navapołacki «Naftan». U Navapołacku haspadary dziakujučy trapnamu ŭdaru Kamaroŭskaha atrymali minimalnuju pieramohu nad nia mienš sensacyjnym «Hranitam» – 1:0.
Najbolš cikavym na zabityja hały vydaŭsia matč u Salihorsku miž «Šachcioram» i «Nioman», jaki tranślavaŭsia pa telekanale «Ład». Harniaki ŭsio ž byli macniej – 3:2.
Pieršyja punkty ŭ čempijanacie atrymali «Daryda» i bieraściejskaje «Dynama», jakija zhulali ŭ ničyi adpaviedna ź «Lakamatyvam» i mienskim «Dynama».
«Homiel», MTZ-RIPA atrymali adnolkavyja pa liku (2:1) sensacyjnyja paražeńni ad daloka nia hrandaŭ biełaruskaha futbołu «Smarhoni», «Viciebsku». BATE tolki na apošnich chvilinach zmahło syści ad projhryšu ŭ matčy z «Dniaprom» – 2:2.
Jašče ŭ adnym matčy turu žodzinskaje «Tarpeda» na vyjeździe pieramahło mahiloŭski «Savit» – 2:0.
Turnirnaja tablica paśla troch turaŭ maje nastupny vyhlad: «Naftan» – 9punktaŭ, «Šachcior», «Viciebsk» – pa 7, «Dynama» (Miensk), BATE – pa 5, «Hranit», «Homiel», «Tarpeda», «Smarhoń» – pa 4, MTZ-RIPA, «Savit», «Lakamatyŭ» – pa 3, «Dniapro» – 2, «Nioman», «Daryda», «Dynama» (Bieraście) – pa 1.
Najlepšy bambardzir Mikałaj Švydakoŭ («Lakamatyŭ») – 3 hały.
