U Mahilovie ratavalniki praduchilili hibiel adzinaccacikłaśnicy adnoj ź miascovych škoł, jakaja mieła namier saskočyć z dachu dzieviacipaviarchovaha doma.
Vulica Habraŭskaja ŭ Mahilovie. Fota sajta domofoto.ru.
Jak paviedamili BiełaPAN u Mahiloŭskim abłasnym upraŭleńni MNS, 12 sakavika ŭ 20.19 pastupiła paviedamleńnie ab tym, što na dachu žyłoha doma pa vuł. Habraŭskaj znachodzicca dziaŭčyna 1998 hoda naradžeńnia, jakaja źbirajecca skončyć žyćcio samahubstvam.
Rabotniki MNS, jakija prybyli da miesca vykliku, ustalavali «kub žyćcia» na vypadak, kali dziaŭčyna vyrašyć skočyć. Inśpiektar-psichołah MNS, padniaŭšysia na dach, zmahła ŭstalavać psichałahičny kantakt ź dziaŭčynaj.
U 20.53 jana admoviłasia ad namieru ździejśnić suicyd i spuściłasia z dachu.
