Kancler Hiermanii Anhieła Mierkiel zajaviła ŭ paniadziełak, 14 sakavika, što nie maje namieru mianiać mihracyjnuju palityku, niahledziačy na vyniki ziamielnych vybaraŭ. Sami vybary ŭ Saksonii-Anchalt, Baden-Viurtembierhu i Rejnłand-Pfalcy jana nazvała «ciažkim dniom» dla Chryścijanska-demakratyčnaha sajuza (CHDS).
Tym nie mienš kiraŭnik niamieckaha ŭrada zajaviła, što nie bačyć u vynikach hałasavańnia «istotnaj prablemy». Pavodle jaje słoŭ, Bierlin budzie prytrymlivacca abranaha kursu ŭ mihracyjnym pytańni. Pry hetym Mierkiel vystupiła za ahulnajeŭrapiejskaje rašeńnie prablemy biežancaŭ.
Va ŭsich troch ziemlach u parłamienty z dvuchznačnych vynikam prajšła pravaja partyja «Alternatyva dla Hiermanii», jakaja vystupaje suprać mihracyjnaj palityki fiederalnaha ŭrada.
