 Jury Humianiuk |
Viadomaha hrodzienskaha paeta i žurnalista Jurja Humianiuka sprabujuć abvinavacić u padrychtoŭcy zabojstva. Žančyna, jakaja žyvie pa susiedztvie, napisała zajavu ŭ milicyju i patłumačyła , što jaje žyćciu pahražaje niebiaśpieka.
Susiedka Jurja Humianiuka Tereza Bubieška vyklikała supracoŭnikaŭ milicyi i paviedamiła im, što Jury Humianiuk, jaho maci i žychar Hrodna Anatol Rusinoŭski majuć namier ździejśnić jaje zabojstva. Žančyna nie pryviała nijakich dokazaŭ, ale supracoŭniki pravaachoŭnych orhanaŭ skłali pratakoł i zapeŭnili, što spravaj budzie zajmacca ŭčastkovy inśpiektar.
Humianiuk tłumačyć dziejańni žančyny jaje nieadekvatnaściu:
— Siarod žycharoŭ vulicy, na jakoj ja žyvu, Tereza Bubieška maje słavu skandalistki. Milicyjanty dosyć skieptyčna pastavilisia da jaje zajavy, ale pryznačyli pravierku pa dadzienaj spravie, što nie moža nie vyklikać zaniepakojenaści. Całkam vierahodna, što mnie i maci pryjdziecca źviartacca za abaronaj honaru i hodnaści ŭ sudovyja ŭstanovy.
Jury Humianiuk nie vyklučaje, što apošnija padziei ŭ dačynieńni da jaho i jaho siamji mohuć nasić pravakacyjny charaktar.
Fota Julii Daraškievič
