Sienat parłamienta Kazachstana na pasiadžeńni ŭ čaćvier uchvaliŭ zakon ab chimičnaj kastracyi piedafiłaŭ.
Papraŭki ŭ zakanadaŭstva nakiravany na «ŭzmacnieńnie žorstkaści pakarańnia ŭ dačynieńni da asob, jakija ŭčynili złačynstvy suprać pałavoj niedatykalnaści niepaŭnaletnich», i tyčacca, u tym liku, normy «ab prymusovaj miery miedycynskaha charaktaru ŭ vyhladzie chimičnaj kastracyi piedafiłaŭ».
Jak patłumačyła žurnalistam sienatar Byrhanym Ajtymava, «chimičnaja kastracyja — heta časovaja miera, heta budzie adnarazovaja injekcyja».
«Heta nie značyć, što injekcyju zrabili, i jon na ŭsio žyćcio takim zastaŭsia, absalutna nie», — skazała jana.
Injekcyi, pa słovach Ajtymavaj, buduć rabicca tolki paśla sudovaha rašeńnia. «Kali my takim čynam abaronim žyćcio choć adnaho dziciaci, ja dumaju, što heta varta zrabić», — dadała sienatar.
Chimičnaja kastracyja praduhledžvaje pryjom harmanalnych preparataŭ, na niekalki miesiacaŭ padaŭlać vypracoŭku testasteronu i, takim čynam, jakija źnižajuć pałavuju ciahu.
Zakony ab chimičnaj kastracyi piedafiłaŭ dziejničajuć, naprykład, u Małdavii i Polščy, u Rasii dapuskajecca dobraachvotnaja chimičnaja kastracyja asudžanaha ŭ abmien na skaračeńnie turemnaha terminu.
