Dyrektar Biuro pa demakratyčnych instytutach i pravach čałavieka ABSIE Majkł Džordž Link zaklikaŭ rasiejskija ŭłady nieadkładna vyzvalić ŭkrainskuju lotčyce Nadzieju Saŭčanka.
«Vyzvaleńnie Saŭčanka budzie mieć vialikaje humanitarnaje značeńnie, uličvajučy jaje prablemy sa zdaroŭjem, i nadaść upeŭnienaści ŭ mirnym pracesie, nacelenym na vyrašeńnie dvuchhadovaha kryzisu va Ukrainie», — havorycca ŭ zajavie Linka.
Jon taksama adznačyŭ, što supracoŭnikam ABSIE nie dali mahčymaści naviedać Saŭčanka i aficyjna nazirać za sudom nad joj, niahledziačy na prośby arhanizacyi. Pa słovach Linka, patrabavańni ABSIE adpaviadali mižnarodnym standartam u halinie sudavodstva.
U aŭtorak rasijski sud pryznaŭ Nadzieju Saŭčanka vinavataj u zabojstvie rasijskich žurnalistaŭ i prysudziŭ da 22 hadoŭ źniavoleńnia. Akramia taho, Saŭčanka pavinna budzie vypłacić štraf u pamiery 30 tysiač rasijskich rubloŭ za niezakonnaje pierasiačeńnie rasijskaj miažy.
