 |
Viadučy aŭtavytvorca Biełarusi Mienski aŭtamabilny zavod maje namier arhanizavać zborku lehkavych aŭtamabilaŭ. Pra heta 22 krasavika paviedamiŭ žurnalistam u Maskvie hieneralny dyrektar MAZa Mikałaj Kaścień. Pavodle jahonych słoŭ, na ŭzhadnieńnie z patencyjnymi partnerami spatrebicca kala dvuch‑troch hadoŭ, paśla čaho pačniecca padrychtoŭka mahutnaściaŭ dla zborki.
«Ciapier my viadziem pieramovy z tryma zamiežnymi kampanijami — AAT «AŭtaVAZ», kampanijaj ź Niamieččyny j kampanijaj z Kitaju. Pieršyja pieramovy pačnucca ŭ traŭni, mahu paviedamić, što ŭ Biełaruś pryjedzie Barys Alešyn (prezydent «AŭtaVAZ»)», — cytuje Mikałaja Kaściania RIA «Novosti».
Pavodle jahonych słoŭ, vybar budzie zrobleny na karyść taho pradpryjemstva, jakoje prapanuje najbolš pryvabny investycyjny plan. Na pieršym etapie vytvorčaści na MAZie planujecca źbirać 20‑50 tysiač lehkavikoŭ, pryznačanych pierš za ŭsio dla rasiejskaha rynku.
