Prakuratura Bielhii abviaściła ab tym, što joj udałosia identyfikavać druhoha terarysta-samazabojcu, jaki pryvioŭ u dziejańnie vybuchovuju pryładu ŭ aeraporcie Brusiela, paviedamlajuć infarmahienctvy.
Im akazaŭsia Nadžym Łachraŭi, jaki adšukvajecca pa spravie ab teraktach u Paryžy. Pieršapačatkova śledstva mierkavała, što jon kaardynavaŭ terakty ŭ Brusieli, ale asabista ŭ ich nie ŭdzielničaŭ.
Paśla vybuchaŭ u aeraporcie i mietro bielhijskaj stalicy Nadžym Łachraŭi byŭ abjaŭleny ŭ vyšuk. 23 sakavika bielhijskaja palicyja adčytałasia ab zatrymańni terarysta ŭ vakolicach Brusiela, adnak paźniej vyśvietliłasia, što siłaviki paśpiašalisia, pryniaŭšy jaho za inšaha čałavieka.
Imia pieršaha terarysta-samazabojcy, jaki ŭčyniŭ terakt u aeraporcie, śledstva vyjaviła amal adrazu. To byŭ starejšy z bratoŭ Bakraŭi, Brachim. Jaho brat Chalid padarvaŭ siabie praz hadzinu u brusielskim mietro. Ciapier palicyja šukaje pamahataha terarystaŭ, jaki trapiŭ u abjektyvy kamier nazirańnia ŭ aeraporcie razam z Bakraŭi-starejšym i Łachraŭi za niekalki chvilin da vybuchu.
