Padraździaleńni siryjskaha vojska całkam vyzvalili staražytny horad Palmiru, paviedamlajuć siryjskija vajennyja.
«Paśla ciažkich bajoŭ na praciahu ŭsioj nočy armija ŭziała Palmiru pad svoj poŭny kantrol — uklučajučy staražytnuju častku i sučasnyja žyłyja rajony horada», — cytuje svaju krynicu ahienctva Frans-pres.
Ahienctva Rejter spasyłajecca na siryjskija ŚMI i naziralnikaŭ, rasijskaje ahienctva TASS pieradaje, što tuju ž infarmacyju paviedamlaje miascovy siryjski telekanał «Al-Majadyn».
Ź viečara suboty pa ŭsim horadzie była čuvać masiravanaja stralba, nad niekalkimi rajonami ŭzdymałasia čorny dym.
Siryjski centr manitorynhu za pravami čałavieka, jaki bazujecca ŭ Vialikabrytanii, paćvierdziŭ, što Palmira pierajšła pad kantrol siryjskich vajskoŭcaŭ, ale na ŭschodzie horada jašče praciahvajucca bai.
Pavodle Biblii, Palmira była zasnavana carom Sałamonam u aazisie pasiarod pustyni pamiž Damaskam i rakoj Jeŭfrat.
